மேகதாதுவில் அணை கட்டுவதால் யாருக்கு இலாபம்?

கர்நாடக அரசு காவிரியின் குறுக்கே அணைகள் கட்டுவதை எதிர்த்து இன்றைக்கு தமிழக விவசாய சங்கங்களின் ஒட்டுமொத்த எதிர்ப்பினை வெளிப்படுத்தும் விதமாகக் தமிழகம் முழுவதும் கடையடைப்புப் போராட்டம் நடைபெறுகிறது.

வெள்ளையர்கள் நம் நாட்டு மக்களைப் பிரித்தாண்ட சூழ்ச்சியின் ஒரு பகுதிதான் ஆறுகளின் குறுக்கே அணைகள் கட்டியதற்குப் பிரதான் காரணம்.

மாநிலம் விட்டு வேறு மாநிலங்களில் ஓடும் ஆறுகளை அவை உற்பத்தியாகும் இடம் அமைந்துள்ள மாநிலங்கள் இந்த ஆறுகள் முற்றிலும் தமக்கே உரியவை என்ற தவறான நோக்கில் அணை கட்டித் தேக்க முற்படுவதும்

இவற்றை மத்தியில் ஆளும் அரசுகள் வேடிக்கை பார்த்துக் கொண்டிருப்பதும், இது குறித்து உச்ச வாய்மை மன்றம் வரை வழக்குகள் வருடக்கணக்கில் நடைபெற்று வருவதும் இயற்கைக்கு எதிராக மனிதர்கள் நடத்தும் ஒரு மோசமான யுத்தம் எனவே கூறலாம்.

ஆறுகள் உற்பத்தியாகும் மலைப் பிரதேசங்கள் ஊழல் அரசியல்வாதிகளால் காபி, தேயிலை எனப் பணப்பயிர்கள் நிறைந்த எஸ்டேட்டுகளாக வளைக்கப்பட்டு அங்கிருந்த அடர் மரங்கள் நிறைந்த வன வளம் முற்றிலும் சூறையாடப்பட்டதின் விளைவுதான் இன்று ஆறுகள் போதிய மழையின்றி வற்றிப் போகும் நிலைக்கு அதி முக்கிய காரணமென்பது நம் மக்களுக்கு இன்னும் புரிபடவே இல்லை!

அடர்வனமாகக் கிடந்த தமிழக கர்நாடக மலைப்பிரதேசங்களை வெயிலின் கொடுமையைத் தாங்காத ஆங்கிலேயர்கள் தங்களின் வசிப்பிடமாக மாற்ற முற்பட்டு, அங்கிருந்த வன வளத்தை அழித்ததின் பின் தொடர்ச்சியாக நம் அரசியல்வாதிகள் வெள்ளையர்களை விட அதி வேகமாக வனப்பிரதேசங்களை அழித்து வந்ததின் விளைவுதான் இன்று இந்த நாடு மழை மறைவுப் பிரதேசமாக மாறிவிட்டதின் பின்னணியாகும்.

இந்தப் பின்னணியின் விளைவுதான் இன்று தமிகத்தில் முழு அடைப்புப் போராட்டத்திற்கும் காரணமாகும். இந்தப் போராட்டத்தின் எதிரொலி எப்படி இருக்கும் என்பதை யாமறியோம்.

ஆனால் ஒன்று மட்டும் நிச்சயம்! கர்நாடக அரசு பிடிவாதமாகச் செயல்பட்டு மேகதாதுவில் அணை கட்டி முடித்து தமிழகத்திற்கு பிச்சையாக வரும் உபரித் தண்ணீரையும் சேமித்துவிட்டால்

தமிழகத்தில் காவிரி என்ற ஆறு ஒன்று ஓடிக் கொண்டிருந்தது என்பதாகவும் அந்த ஆறு இருந்த இடமே தெரியாத அளவிற்கு தமிழகத்தை ஆண்டு வந்த இரு பெரும் திராவிட இயக்கங்கள் தங்கள் தங்கள் தலைவர்களின் பெயரில் பிளாட்டுகள் போட்டும், வெளிநாட்டுக் கம்பெனிகளுக்கு அடி மாட்டு விலையில் ஆற்று நிலங்களை விற்று ஏப்பம் விட்டுவிட்டனர் எனவும்,

இந்த ஆறு ஓடிய இடங்களில் இருந்த மிச்சம் மீதி மணல் முழுவதும் கர்நாடக மாநிலத்திற்கே விற்று ஏப்பம் விட்டு சுவிஸ் வங்கிகளில் இந்தப் பணத்தை முதலீடு செய்து விட்டு வாரத்திற்கு ஒரு முறை சுவிஸ் நாட்டு மலைப் பிரதேசங்களில் ஓய்வெடுப்பதற்குச் சென்று வருகின்றனர் எனவும்,

சுவிஸ் நாடு சென்று ஓய்வெடுத்து வரும் எங்கள் தங்கத் தலைவரே தலைவியே உங்களை வாழ்த்த வயதில்லை பொற்பாதம் தொட்டு வணங்குகிறோம் என்று அரசியல் ஜால்ரா துதிபாடிகள் தங்களின் அனைத்துக் கட்சி கூட்டணிகளுடன் இனைந்து ஆயிரம் அடி உயரக் கட் அவுட்டுகள் தமிழமெங்கும் சந்து பொந்தெல்லாம் வைத்து காட்சியளிப்பதை சகித்தும்தான்

இனி வருங்காலத் தமிழினச் சந்ததி வரலாற்றுப் பாடத்தில் படித்துதான்  காவிரியின் கதி பற்றி உணர முடியும்!

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

வாழ்வாங்கு வாழ வாழ்த்துங்கள்!

வாழ்வாங்கு வாழ வாழ்த்துங்கள்!     ஒருவரை மற்றவர் சந்திக்கும்போது வாழ்த்துகின்ற பண்புநலம் முற்றிலும் தமிழருக்கே உரித்தான குணமாகும்! நமது சங்க கால இலக்கியங்கள் இதனை நன்கு விளக்கியுள்ளன! வாழ்த்துவதற்கு வயது பேதம் தமிழரிடத்தில் இருந்தது கிடையாது! பெரியவர்களைச்  சிறியவர்கள் சந்திக்கும்போது பெரியவர்கள் சிறியவர்களை வாழ்த்துவதும் பதிலுக்கு சிறியவர்கள் பெரியவர்களை வாழ்த்துவதும் பழங்காலத் தமிழர்தம் மரபு! மனநிறைவாகவும் உளமாறவும் வாழ்த்துதல் நிகழ்வதால் இருசாராருக்கும் அறிவியல் ரீதியான நன்மைகள் நிகழுகின்றன! இவ்வாறு வாழ்த்தும்போது சிறியோரால் வாழ்த்து பெறும் பெரியவர்களின் வயது நீடித்து வந்துள்ள விந்தையையும் பதிலுக்கு பெரியோர்தம் மனம் நிறைந்த வாழ்த்துக்கள் பெறும் சிறியோருக்கு அவர்தம் அறிவும் அன்பும் நிறைக்கப்படுவதை உலகோர் ஒப்புக்கொள்வர். அது மட்டுமன்றி தமிழர்கள் இயற்கையையையும் இந்த பிரபஞ்ச வெளியையும் வாழ்த்துகின்ற தன்மையை வெளிப்படுத்தி அதன் வாயிலாக இயற்கையிடமிருந்தும் இந்த பிரபஞ்ச வெளியிலிருந்தும் ஏராளமான நன்மைகளைப் பெற்று வந்துள்ளனர். இன்றுவரை தமிழகம் வந்தாரை வாழவைத்து அச்சமின்றி வாழ
மேலும் படிக்கவும்

செய்க தவம்!

செய்க தவம்! செய்க தவம்! நெஞ்சே தவம் செய்தால் எய்த விரும்பியதை யெய்தலாம்! வையகத்தில் அன்பிற் சிறந்த தவமில்லை! அன்புடையார்  இன்புற்று வாழ்தலியல்பு! இது மகாகவி பாரதி வாக்கு! தமிழகத்தில் பெரும்பாலான மக்கள் உயிரினங்களைப் பலிகொடுத்துத் தத்தம் குலதெய்வங்களைத்  தவம் செய்கிறோம் என்ற பெயரில் வணங்கி வருகின்றனர்! அன்பே சிவம் எனும் உயரிய சொல்லுக்கேற்ப உயிர்களின் மீது அன்பு செழுத்துவதே உண்மையான தவமாகும்! வண்டியில் பிணைக்கப்பட்டுத் தன்னைச் சுமந்து வந்த எருதினைத் தடவிக்கொடுத்துக்  கண்ணீர் சொரிந்து என்னைச் சுமந்ததால் உனக்கு வலி ஏற்பட்டதோ எனக் கண்ணீர் பெருக்கிய வள்ளலாரின் செய்கையே உண்மையான உயரிய தவமாகும்! பாரதப் போரில் இதோ என் எதிரே நிற்கும் அனைவரும் என் உடன் பிறந்தவர்கள், என் உறவினர்கள் எனப் போர் செய்ய மறுத்துத் தம் ஆயுதங்களைத் துறந்து தவம் செய்யக் கானகம் சென்ற அருச்சுனன் செய்த தவமே உண்மையான தவம்! ஒரு முறை சேலம் மாவட்டம் தாரமங்கலம் பகுதியில் ஒரு சிற்றுந்தில் அமர்ந்திருந்தேன்! அந்தச் சிற்றுந்தில் அமர்ந்திருந்த கிராமத்துப் பெண்கள் சுவாரசியமாக ஒரு பேச்சுவார்த்தையில் ஈடுபட்டிருந்தனர
மேலும் படிக்கவும்

சாதிப் பெயர்கள் தோன்றிய கதையும் அவற்றின் உண்மை அர்த்தமும்!

        முதலியார்! வடவர்களின் கட்டுக்கதைகளை நம்பிப் பிள்ளையாரைத் தெய்வமாக ஏற்றுக்கொண்டு சாதியால் ஆதியில் முதலில் பிரிந்தவர்களே முதலியார்கள்! ஆம் இச்சாதிப்பெயரை பிரித்துச் சொல் அறிந்தால் சாதியால் முதலில் யார் பிரிந்தவர்கள் எனும் கேள்வி பிறக்கும்.  இன்றைய திருச்செங்கோட்டுப் பகுதியில் வாழ்ந்து அந்நாட்களில் தமிழர்தம் புறநானூற்றுப் பாடல் வரிகளில் வரும் தமிழ்த் திருமணங்களுக்குக் கூரைப்புடவை நெய்து கொடுத்த குலம் இது!  தமிழினத்திற்குப் பருத்தியால் ஆன ஆடை கொடுத்த இவர்கள் பின்னர் வடவர்களின் சாதி வலையில் வீழ்ந்து வடவர்தம் திருமணங்களுக்குப் பட்டுப்புடவை நெய்வதற்குக் காஞ்சிக்கு அழைத்துச் செல்லப்பட்டுப் பின்னர் பிள்ளையாரைத் தெய்வமாக ஏற்றுச் சாதிப் பிரிவில் முதலாவதாக வீழ்ந்து இன்று வரை வடவர்தம் வழக்கங்களை ஏற்று வழி நடக்கும் தமிழினம்!  வடவர்களின் ஆட்சியிலிருந்து தமிழினத்தை நிரந்தரமாக மீட்டுத்தந்த பெரியாரின் மாணவர் அறிஞர் அண்ணாவின் வழியினை மீண்டும் இவ்வினம் பின்பற்றிச் சாதி ஒழிப்பில் முன்னணியில் நிற்க வேண்டும்!         வன்னியர் படையாட்சி கண்டர்! தமிழின வரலாற்றில் வடவர்களின்
மேலும் படிக்கவும்